Вы здесь

Як запісваецца ток-шоу «Форум»

Закулисье

1 сакавіка ў Вільні прайшоў запіс трох выпускаў ток-шоу «Форум» тэлеканала Белсат.

Mediakritika.by прапануе сваім чытачам адчуць сябе ўдзельнікам запісаў гэтай праграмы, што займае першыя радкі ў рэйтынгу папулярнасці праграм тэлеканала.

Рэпартаж Антона СУРАПІНА

  • Усе ўдзельнікі запісу прыязджаюць на Літоўскі радыётэлецэнтр блізу паловы на шостую па мясцовым часе. У спецыяльным памяшканні можна пакінуць рэчы, папіць кавы ці гарбаткі з печывам, сабрацца з думкамі перад запісам. Сюды ж удзельнікі будуць прыходзіць на 5-10 хвілінак на кава-паўзы паміж запісамі.
  • У гэты час студыя, дзе будзе праходзіць запіс, пустая. Тут ужо паставілі дэкарацыі, але людзей амаль няма.
  • Праз 15 хвілін каардынатар запісу кліча першых людзей у грымёрку. Тут наносяць грым, дзякуючы якому на твары ў спікераў не будзе блікаў ад студыйных ламп.
  • Усяго ў гэты вечар з «фарумчанамі» працуюць чатыры грымёршчыцы. Удзельнікі ідуць па чарзе.
  • Налепка на дзвярах пакою для палення Літоўскага радыётэлецэнтра.
  • Студыя, дзе будуць запісаныя тры выпускі ток-шоу «Форум», ажыўляецца. Аператары, света- і гукарэжысёры наладоўваюць камеры, святло і гукатэхніку.
  • Усе ўдзельнікі ўжо прыйшлі ў студыю. Эксперты канкрэтнага выпуску сядзяць за круглым сталом. Людзі, якія выступяць экспертамі ў наступных праграмах, — вакол круглага стала. Вядоўца, Эдуард Мельнікаў, тры разы рэпетуе ўступнае слова да ток-шоу. Першы дубль атрымаўся не вельмі ўдалым...
  • ...але пасла другога спадар Эдуард прысаджваецца да стала, за якім сядзяць экперты, і пачынаецца запіс ток-шоу «Форум». Усё, што адбываецца ў студыі, ідзе амаль жывым эфірам, і мантуецца мінімальна. Таму ўжо падчас запісаў праграм няма ніякіх дубляў: з моманту, як вядоўца далучаецца да ўдзельнікаў да моманту фінальных апладысментаў запіс не прыпыняецца ні на секунду.
  • Хутка ў студыі пачынаецца дэманстрацыя першага сюжэту, падтрыхтаванага да выпуску ток-шоу.
  • Пасля дэманстрацыі сюжэта ў студыі працуе “вольны мікрафон”. Вядоўца ток-шоу дае магчымасць выказацца ўсім ахвотным, хто падчас запісу канкрэтнага выпуска сядзіць па-за сталом экспертаў.
  • Пульт кіравання светлавой партытурай ў студыі.
  • Пасля невялічкай кавапаўзы пачынаецца бліц-падрыхтоўка да запісу другога выпуску ток-шоу «Форум». Некаторыя ўдзельнікі памяняліся месцамі: эксперты з першага запісу «пераехалі» на месцы па-за круглым сталом, і наадварот.
  • Зноў уступнае слова Эдуарда Мельнікава, і пачнецца безперапынны запіс другога выпуску.
  • Перад запісам трэцяга выпуску ток-шоў «Форум» удзельнікам трохі папраўляюць грым.
  • Усяго ў студыі працуюць пяць тэлекамер.
  • Рэжысёрская апаратная знаходзіцца зверху, ад студыі яе аддзяляе шкло. За шклом можна пабачыць гукарэжысёра, насупраць яго сядзяць рэжысёр праграмы і асістэнты.
  • Гукарэжысёр Альгіс сочыць за якасцю гука.
  • Рэжысёрскі пульт. Рэжысёрка Рынальда адсюль каардынуе ўсіх аператараў, каму які план узяць у кадр, і пераключае камеры.
  • Рэжысёрка распавядае, што пасля запісу ўсе тры выпускі чакае наступны лёс: рэдактар пабудуе «каркас» кожнага з трох запісаных ток-шоу, структуруе матэрыял, потым за адзін вечар усё змантуецца ўжо па відэа. Па словах рэжысёркі, запіс доўжыцца блізу гадзіны, у выніку атрымаецца ля 45 хвілін ток-шоу. Вострыя моманты заўседы ёсць, але як раз у гэтым і палягае прывабнасць дыскусіі.
  • Студыя з апаратнай бачна як на далоні.
  • Нарэшце, запіс сканчаецца. Удзельнікі ідуць туды, дзе распраналіся пасля прыезду. Сціраюць вільготнымі сурвэткамі грым, апранаюцца і пакідаюць Lithuanian radio and television. На гадзінніку ўжо апоўначы па мясцовым часе. Праз паўгадзіны ўсе будуць вячэраць...
Оценить материал:
Голосов еще нет
распечатать Обсудить в:

Опрос

Частичное либо полное копирование материалов, размещенных на сайте Mediakritika.by разрешается только с указанием прямой гиперссылки на текст.

Создание сайта - webxayc.by
Дизайн - Игорь Назаренко