ОБ АВТОРЕ

Журналіст, медыяэксперт.

Лаўрэат прэміі «Dot-Журналистика» ў намінацыі «За пределами Рунета» ў 2012, 2013, 2014 гадах

Выпускнік Літоўскага эдукалагічнага ўніверсітэта.

Працаваў рэпарцёрам у газетах «Чырвоная змена» і «Свабода», рэдактарам на радыёстанцыі «Крынiца» Беларускага радыё.

Супрацоўнічаў з радыёстанцыямі «Юность/Молодежный канал» (Масква), «Радыё Рацыя» (Беласток), Deutsche Welle (Бон), газетамі «Экспресс-хроника» (Масква), «Бизнес&Балтия» (Рыга), «Лабрит» (Рыга), «Караван» (Алматы), «Общая газета» (Масква).

З 1995 па 2015 г. - супрацоўнік недзяржаўнага аналітычнага тыднёвіка «Белорусы и рынок», быў загадчыкам аддзела грамадска-палітычнай інфармацыі.

Вы здесь

Карціна дня ў сацсетках: Статкевіч і беларускі рубель

Увечары 22 жніўня галоўным сюжэтам, за якім сачылі ў сацыяльных сетках, зрабілася вызваленне палітзняволеных. Гэта тэма пратрывала да панядзелка, дзе саступіла пазіцыі абмеркаванню падзення беларускага рубля.

Суботні дзень 22 жніўня быў звычайны, з абмеркаваннем цэлага шэрагу розных дробных тэм сярод якіх найбольш заўважнымі былі крымінал, ДТП і выбары. Але пасля таго, як у 17:45 з'явілася паведамленне БЕЛТА пра памілаванне «шэрагу асоб», карціна дня кардынальна памянялася.

БЕЛТА тады завяршыла сваю працу, а ўсе астатнія медыя пераключыліся з рэжыму ўік-энда ў тэрміновую працу як на пажары: ішлі паведамленні ад сваякоў палітвязняў, сяброў, знаёмых, пра тое, дзе, як мяркуецца, іх можна сустрэць. Як сведчаць дадзеныя, прадастаўленыя Міхаілам Дарашэвічам, партнёрам даследчай кампаніі Gemius у Беларусі, тыя сайты, якія заўважылі гэты трэнд і пісалі ў яго развіццё, атрымалі ўсплёск трафіку на ўсе выхадныя дні і часткова на панядзелак.

За суткі 22 жніўня паводле MediaMetrics сюжэт пра вызваленне палітзняволенных і асабліва былога кандыдата ў прэзідэнты Міколы Статкевіча заняў амаль палову ўсіх расшараных паведамленняў у сацыяльных сетках (сервіс адсочвае пераходы на старонкі СМІ з розных сацсетак). Ніякая іншая асобная тэма не ідзе ні ў якае параўнанне.

Трэба зазначыць, што гэта не такая частая з'ява, калі адна навіна, тым больш вечаровая, так моцна мяняе карціну дня. Акрамя таго, у Беларусі апошнім часам палітычныя навіны сыходзілі са сферы інтарэсу масавай аўдыторыі. Таму, відаць, ёсць падставы лічыць гэту падзею выбітнай.

Але жыццё не стаіць на месцы і 24 жніўня ў Беларусі наступіў «чорны панядзелак» – моцнае падзенне беларускага рубля адносна еўра і долара. Тут таксама ў плюсе па трафіку аказаліся тыя сайты, якія зразумелі трэнд. Але, што цікава, грашовае пытанне толькі пасунула сюжэт з выўваленнем вязняў сумлення, але не захапіла ў агульнай карціне дня столькі ж увагі, як было ў суботу са зняволеннымі і сустрэчай Міколы Статкевіча на аўтавакзале «Усходнім» у Мінску. «Чорны панядзелак» адхапіў сабе толькі 17,6% пераходаў з сацсетак на сайты СМІ.

Працоўны дзень прынёс новыя тэмы – ад трагедый да дробных, але цікавых здарэнняў. Зноў з'явілася цікавасць да выбарчай кампаніі, Мікола Статкевіч даў шэраг інтэрв'ю, аналітыкі падзяліліся сваімі разважаннямі ці закрытае ў Беларусі пытанне з палітзняволенымі і якія гэта можа мець наступствы.

Нельга выключаць, што тэма дэвальвацыі беларускага рубля пачне дамінаваць з некаторым спазненнем, бо ў панядзелак яе найперш заўважылі тыя, хто пільна сочыць за фінансамі. Чэргі ў абменніках з'явіліся толькі ўвечары ў панядзелак, таму значэнне сюжэту пра курс беларускага рубля будзе залежыць ад наступнага разгортвання падзей.

«Можна сказаць, што 24 жніўня быў «напружаны» дзень для навінных сайтаў і рэсурсаў, прысвечаным фінасавай тэматыцы, таксама як важныя палітычныя падзеі на выхадныя дні і працяг зменаў курсу беларускага рубля», – падкрэсліў у інтэрв'ю «Медыякрытыцы» эксперт Міхаіл Дарашэвіч. 

Оценить материал:
0
Голосов еще нет
распечатать Обсудить в: