ОБ АВТОРЕ

Журналист, обозреватель, специалист в области Public Relations.

Окончил биофак БГУ. Карьеру журналиста начал в 1995 году в журнале «Дело». Cотрудничал с «Белорусской деловой газетой» до ее закрытия, газетой «Московский комсомолец в Белоруссии», «Бизнес-леди», «Финансовый директор», «Детективной газетой», порталом BEL.BIZ, информационным агетством «Интерфакс».

Был собкором в Беларуси российского информагентства Stringer. Занимал должность заместителя директора радиостанции «Сталіца».

Работал PR-менеджером в «Международной финансовой корпорации» (IFC).

С весны 2010 года – собственный корреспондент в Беларуси российского федерального издания «Газета.Ru».

С января 2013 года – снова работает в БДГ (теперь под брендом «БДГ Деловая газета»).

Вы здесь

Гісторыя беларускага самвыдату: “Баста!”

Ад самага пачатку гэтай серыі “Гісторыя беларускага самвыдату” я разлічваў прэзентаваць у ёй самвыдатаўскія выданні перыяду 1987-1992 гадоў. Тыя, што знаходзіліся ў маёй уласнай калекцыі.

Але праз пэўны час чытачы Mediakritika.by пачалі прапаноўваць мне непадцэнзурныя выданні з уласных калекцый. І хуткім часам стала зразумела, што ў Беларусі была яшчэ адна буйная хваля стварэння самвыдату. Яна прыйшлася на 1996-1997 гады, калі ўлада і апазіцыя зацята змагаліся адно з адным. І тая хваля самвыдату таксама заслугоўвае свайго апісання.

Сёння я разгледжу вельмі цікавы асобнік – гэта газета “Баста!”. Яе галоўная адметнасць – тое, што яна цалкам зроблена на расейскай мове. Для беларускага самвыдату гэта вялікая рэдкасць. Рэдкасць таксама тое, што гэтае непадцэнзурнае выданне зроблена вельмі якасна – у сэнсе вёрсткі ды ў сэнсе якасці журналістскіх тэкстаў. Крыху дзіўным таксам выглядае досыць вялікі аб’ём – 12 старонак у нумарах 14 і 15. Да мяне патрапілі толькі гэтыя два нумары, таму меркаваць пра іншыя я не магу.

Дэвіз выдання – “Справедливость – выше любых законов!”. Пад назвай газеты пазначана: “Независимая газета рабочих Беларуси. Издается на средства трудящихся”. Дата выхаду нумару 14 пазначаны як “весна 1997”, №15 – як “весна-лето 1997”. У выходных дадзеных №14 пазначана толькі “Редактор Анатолий Матвеенко. Тел/факс: (0172) 37-03-65”, а ў нумары 15 – толькі “Редактор номера Артур Лисаковский”. На першай старонцы кожнага нумару ўнізе пазначана: “СМОТ – Свободное Межпрофессиональное Объединение Трудящихся (1978 г.)”.

Увесь змест газетных тэкстаў – пра барацьбу працоўных за свае правы. Выданне добра ілюстраванае. Фармат – А4, папера – кепскаватая газетная у №14 і тоўстая вельмі якасная белая ў №15. Ані наклад выдання, ані колькасць выйшаўшых нумароў – невядомыя.

Але ж вось што яшчэ вельмі цікава і незвычайна для такога кшталту самвыдатаўскага выдання. У сакавіку 2012 года выданне “Баста!” адрадзілася як міжнародны інтэрнэт-праект. Адшукаць яго можна па адрасе http://basta-news.net. Але цяпер там большасць артыкулаў тычыцца працоўнага руху ва Ўкраіне.

Некаторыя падрабязнасці пра выданне “Баста!” нам распавёў палітолаг Сяргей Марцалеў. Вось што ён, у прыватнасці, сказаў: “Гэтую газету выдаваў вельмі вядомы ў той час у лявацкіх колах чалавек – Анатоль Матвіенка. Я стаўлюся да яго з вялікай павагай. Хаця тады, па мерках 90-х, можна было б сказаць, што гэта (прынамсі, па выглядзе) – тыповы бандыт. Але пры тым гэта быў вельмі ідэйны чалавек, былы баец ВДВ, і ён у той час моцна дапамагаў нам – “Чырвонаму жонду”, – бо ў нас сродкаў фінансавання не было ўвогуле. Ён быў чалавек не бедны, дапамагаў паперай, паліграфіяй... У газеце “Баста!” ён адлюстроўваў свае погляды, ідэі, якіх ён сам прытрымліваўся”.

Націсніце, каб пабачыць нумар цалкам

Оценить материал:
5
Средняя: 5 (1 оценка)
распечатать Обсудить в: