Вы здесь

Расійскі тэлеканал ТВ-3 раптоўна стаў беларускім?

«Мы збіраемся палепшыць кантэнт» — тлумачаць супрацоўнікі канала.

У інтэрнэце шырока абмяркоўваецца кардынальная змена кантэнту тэлеканала ТВ-3, які замест таго, каб трансляваць расейскую праграму перадач, як гэта было раней, пачаў даваць у эфір зусім іншыя праграмы і фільмы.

Да таго ж ТВ-3 трошкі змяніў лагатып.

Здзіўленым гледачам на сайце расейскага канала растлумачылі: «З 1 студзеня ТВ3 на тэрыторыі Беларусі няма. Тое, што вы бачыце ў эфіры, гэта мясцовы канал. Да нас ён дачынення не мае».

«Мы транслюем не расейскі, а беларускі тэлеканал, — пацвердзілі „НН“ у аддзеле маркетынга МТІС. — І раней не ўсе перадачы, якія ішлі ў расейскай версіі, траплялі ў беларускую. Гэта адбывалася праз тое, што не ўсе правы на тэлеперадачы былі ачышчаныя для Беларусі. Але з 21 студзеня канал ТВ-3 даслаў нам паперу пра змену ў вяшчанні».

Начальнік аддзелу продажаў тэлеканала ТВ-3 Таццяна, дакладней, ягонай беларускай рэдакцыі тлумачыць, што змена фармату робіцца для паляпшэння якасці кантэнту.

«З расейскай версіі мы будзем браць толькі некаторыя дакументальныя стужкі, —

тлумачыць спадарыня Таццяна. — Мы збіраемся перайсці цалкам на беларускі кантэнт. Пэўны час мы будзем паказваць расейскія перадачы, але іх будзе меней — у асноўным гэта дакументалістыка».

Калі канал пераходзіць цалкам на беларускі кантэнт, ці не варта чакаць на ім з’яўлення беларускамоўных фільмаў і перадач?

«На жаль, беларускамоўных праграм у нас не будзе, — кажа спадарыня Таццяна. —

Пад беларускім кантэнтам мы маем на ўвазе не той, які створаны ў Беларусі, а той які закупляе беларускі бок. То бок, мы будзем купляць перадачы ВВС, а таксама некаторыя расійскія серыялы».

Канал ТВ-3 быў сфакусаваны на фільмах, гэта ягоная рыса застанецца нязменнай — наадварот, з’явіліся кіраўніцтва канала збіраецца ўвесці шэраг новых праектаў, якія будуць дэманстраваць класіку сусветнага кіно.

Юрась Ускоў, «Наша Ніва»

Оценить материал: распечатать Обсудить в: